یادو خیر اولسو قدیم قیشلر و شیران کیشیلَر

وِرِب اَلدَن قیشی قیش، جراَتی جانان کیشیلر

داهو یوخ قیشده دَ قار قیشلر اُلوب مثل بهار

اولدو پامّوخ کیمی بُش پَر کیمی پرّان کیشیلر

هانو نُوداننا بوز و اِوده دَ بوز باقلویا سو

هانو کسگرلی تیکانلو اِده طوفان کیشیلر

هانو قیشلر سُووقو یُخ داهو قیشده سُووراخ

هانو غیرتلی تعصبلو اُ سلطان کیشیلر

هانو اوچ آی یاقا قار یرده دَ دُرد آی قالا قار

هانو اُ سُزلَری دوز اُزلَری انسان کیشیلر

اُ حلال و حراما فرق وِرنّر هانو بس

هانو سختلیگده اُلان داش و دَییرمان کیشیلر

هانو آزاد گَزَن ، دوز دولانان ، دوز دانوشان

دِمیَن ذلّتَ هِچ وقت بله قربان کیشیلر

هانو اُولرده داهو کَرمَه قالاخ یاندورالار

گونده اوچ یُل کوچه یَه قار تُکه دامنان کیشیلر

هانو قیشلر سُووقو چاتلادا داش و آقاجو

قاریچیندَ قُوا ککلیک توتا جیران کیشیلر

هرگون اِرته کورَک اَلدَ قار آتوب بوردان اُرا

یُل آچاردو بولاقا یا چایا قاردان کیشیلر

 سید اصغر موسوی (معلم بازنشسته)